மக்கள்

அரசியல்
பாம்புகளுக்கு
பால் வார்த்தவர்கள்
இன்று
அதன் சீற்றத்தின்
நடுவே
நடு நடுங்கி...

உறக்கம்

விதைகளின்
வீழ்ச்சியால்
வேர்கள் துளிர்
விட்டதைப் போல
யாருடைய வீழ்ச்சியால்
நீ தலை நிமிர
காத்துக் கொண்டிருக்கிறாய்
எந்தன்
பாரதத்தாயே??

தமிழினம்

தமிழனே!

கலங்குகிறது கண்கள்

எரியுது என் உள்ளம்

கைகள் தன்னிச்சையாக

உயருகின்றன உனக்கு

உதவிகள் செய்திட - ஏன்?

உதிரங்கள் ஒன்றல்லவா

ஆனால், பி(ப)ணம் தின்னும்

சில பிசாசுகள் எல்லைகள்!

வேறு வேறு எனக்கூறி

நம்மை பிரிக்கின்றனர்

அவர்களுக்கு புரியுமா

நாளை தானும்,தம் சந்ததியும்

மரணத்தை தழுவும் என்று

மரணமே அவர்களுக்கு

உனது வரவினை உணர்த்து...

ஒற்றுமை

பூக்களே
வாசனை நுகரவும்
கசக்கி பிழியவும்
மாதர் தம் குழலில் சூடவும்
கல்யாணம் முதல்
கருமாதி வரை
நீயே முதன்மையாயிருக்கிறாய்
வாடிய பின் தெருவில்
வீசியடிக்கப்படுகிறாய்
ஏன்?
பெண்னோடு சேர்த்து
உன்னை ஒப்பிட்டதாலா
உனக்கு இந்த அவலம்?

சூரியனே - நீ
அஸ்தம்பிக்கும் போது
நான் விழித்துக்கொள்கிறேன்
என்னவளின்
மனதைப்போல...

அரசியல் திருடர்கள்

ஏ சூரியனே
நீ கூட இவர்களுக்கு
பயந்துதான்
இரவு எனும்
போர்வையில் ஒளிந்து
கொள்கிறாயோ...

வறுமை

தலைவர் பேசப்போகிறார்
என பறை சாற்றும்
வண்ண வண்ண சுவரொட்டிகள்
ஏ அரசியல்வாதிகளே
அந்த சுவரொட்டியை
ஒட்டும் பசையையாவது
தாருங்கள் - இந்த
ஏழைகள் பசியாரட்டும்